समाचार शुक्रबार, भदौ ६, २०७६

माधव नेपालको फरक मत नेकपाको सम्पत्तिः नेता पौडेल

हिमालखबर

सत्तारूढ दल नेपाल कम्युनिष्ट पार्टी (नेकपा)का स्थायी कमिटी सदस्य देवेन्द्र पौडेलले पार्टीभित्र राखिएको फरक मत थेग्नै नसक्ने प्रकृतिको नभएको बताएका छन् ।

राजधानीमा आयोजित एक कार्यक्रममा नेता पौडेलले पार्टीभित्रको फरक मत, बहस र विवादलाई उचाल्न नहुने बताए । उनले भने, “माधव नेपालले राख्नुभएको फरक मत नेकपाकै सम्पत्ति हो ।”

फरक मत र सम्वादले नै पार्टीमा विधिको विकास हुने नेता पौडेलले बताए । “पार्टीभित्र नेताहरुबीच भएका बहस, विचार र मन्थन थेग्न नसक्ने र सम्हाल्न नै नसक्ने खालका होइनन् । आन्तरिक रुपमा हामी हल गर्छौं”, नेता पौडेलले भने ।

प्रधानमन्त्री एवम् पार्टी अध्यक्ष केपी शर्मा ओली उपचारका लागि सिंगापुर गएकाले रोकिएको पार्टी एकता प्रक्रिया अध्यक्ष पुष्पकमल दाहालले अध्यक्षता गर्ने बैठकबाट हल हुने उनले बताए ।

प्रतिकृया दिनुहोस