समाचार सोमबार, साउन ६, २०७६

निर्माणाधीन मन्दिरको छत खसेर च्याप्दा दुईको मृत्यु

हिमालखबर

पाँचथरमा निर्माणाधीन मन्दिरको छत खसेर च्याप्दा दुईजनाको मृत्यु भएको छ ।

हिलिहाङ गाउँपालिका ७ टारीमा रहेको यलम्बर पार्कमा निर्माणाधीन मन्दिरको छत खसेर च्याप्दा स्थानीय जगतबहादुर राई र रुद्र राईको मृत्यु भएको प्रहरी निरीक्षक अनिलकुमार पौडेलले बताए । 

छतको 'सटिङ्' खुस्काउने क्रममा मन्दिरको पूरै छत खसेकाे थियाे । 

पाैडेलका अनुसार बिहान करीब ९ बजे घटना भएकाे हाे ।

अहिले प्रहरी र स्थानीयको सहयोगमा शव बाहिर निकाल्ने प्रयत्न गरिरहेको छ ।

ढलान गरिएको छत राम्रोसँग नअडिएका कारण 'सटिङ' खुस्काउने क्रममा पूरै छत खसेको हुनसक्ने प्रहरी निरीक्षक पौडेलको भनाइ छ ।

उक्त मन्दिरको छत २० दिन अघि नै ढलान गरिएको स्थानीय अर्जुन रिजालले बताए । 

प्रतिकृया दिनुहोस