एकीकृत समाजवादीको महासचिवमा घनश्याम भुसाल
नेकपा (एकीकृत समाजवादी)को महासचिवमा घनश्याम भुसाल चयन भएका छन्।
एकीकृत समाजवादीको केन्द्रीय सचिवालयको बैठकले भुसाललाई महासचिवमा मनोनीत गरेको प्रवक्ता जगन्नाथ खतिवडाले बताए। “केन्द्रीय सचिवालयको बैठकले सर्वसम्मत रूपमा घनश्याम भुसाललाई महासचिवमा मनोनीत गर्ने निर्णय गरेको छ,” प्रवक्ता खतिवडाले भने।
गत मंसीर ४ मा भएको प्रतिनिधि सभा सदस्य निर्वाचनमा टिकट नपाएपछि भुसालले नेकपा (एमाले) छोडेका थिए। उनी स्वतन्त्र उम्मेदवार बनेका थिए। केही समयअघि मात्रै उनी एकीकृत समाजवादीमा प्रवेश गरेका थिए।
यसअघि एकीकृत समाजवादीको महासचिव बेदुराम भुसाल थिए। उनलाई उपाध्यक्षमा मनोनीत गरिएको छ।
