समाचार सोमबार, असार ३०, २०७६

बाढीपहिरोमा परी मृत्यु हुनेको संख्या ६७ पुग्यो, ३० जना बेपत्ता

हिमालखबर

अविरल वर्षाका कारण आएको बाढीपहिरोमा परी मृत्यु हुनेको संख्या ६७ पुगेको नेपाल प्रहरीले ट्वीट मार्फत जानकारी गराएको छ । मृत्यु भएका ६७ जनामध्ये २६ जना महिला र ४१ जना पुरुष रहेको पनि जनाइएको छ ।

वर्षा र बाढीपहिरोमा परी घाइते हुनेको संख्या ४३ जना रहेको पनि प्रहरीले जानकारी गराएको छ । घाइतेमध्ये २० जना महिला र २३ जना पुरुष रहेको पनि जनाइएको छ ।

बाढीपहिरोमा परी हराइरहेकाहरूको संख्या ३० पुगेको छ । जसमध्ये महिला १२ जना र पुरुष १८ जना रहेको पनि प्रहरीले जानकारी गराएको छ ।

हालसम्म १ हजार ४४६ को सकुशल उद्धार गरिएको पनि प्रहरीले ट्वीट मार्फत जानकारी दिएको छ ।

 

प्रतिकृया दिनुहोस