सुदूरपश्चिम र कर्णालीका उच्च भेगमा हिमपात
सुदूरपश्चिम र कर्णाली प्रदेशका उच्च पहाडी तथा हिमाली जिल्लामा हिमपात भएको छ।
सुदूरपश्चिमको बैतडी सहित उच्च पहाडी तथा हिमाली जिल्लामा हिमपात भएको छ। बैतडीका खोडपे, अनारखाली, ढोल्यामोड र सिगास लगायत उच्च लेकाली भेगमा हिमपात भएको छ। सिगासका किसान दानसिंह बोहराका अनुसार‚ मंगलबार बिहानदेखि हिमपात भएको हो। वर्षा र हिमपातका कारण चिसो बढेको छ।
यस्तै‚ कर्णालीका जुम्ला‚ हुम्ला, मुगु, डोल्पा र कालीकोटमा हिमपात भएको छ। हिमपातपछि अत्यधिक जाडो बढेकाले जनजीवन प्रभावित छ। वर्षा र हिमपातले किसान हर्षित छन्। खडेरीका कारण हिउँदेबाली सुक्न लागेको वेला वर्षा र हिमपात भएपछि बालीनाली सप्रिने भन्दै खुशी भएका हुन्।