विश्वव्यापी काेराेनाभाइरस महामारी

५७३५५१८

हालसम्म संक्रमित

२४६७२४१

निको भएका

३५४२३०

मृत्यु हुनेको संख्या

नेपाल

८८६

जम्मा संक्रमित

१८३

निको भएको

मृत्यु

अपडेटः बुधबार, १४ जेठ २०७७ ।१०:४५ बजे राति | स्रोत : worldometers.info/coronavirus

काेभिड-१९
विस्तृत सामग्री

थप समाचार सोमबार, जेठ २७, २०७६

‘अमेरिकाकै कारण चीनमा साइबर आक्रमण’

रासस

चिनियाँ नेटवर्कलाई लक्षित गरी हुने प्रायः साइबर आक्रमण संयुक्त राज्य अमेरिकाका कारण हुने गरेको चीनको नेशनल कम्प्यूटर नेटवर्क इमर्जेन्सी रेस्पोन्स टेक्निकल टिम (सीएनसीईआरटी) ले सोमबार सार्वजनिक एक वार्षिक प्रतिवेदनमा भनिएको छ ।

‘ट्रोजन तथा वोटनेट’ गतिविधिका आधारमा सन् २०१८ मा चीनको मूख्य भू–भागमा रहेका ३३ लाख ४० हजार कम्प्यूटरमा करीब १४ हजार ट्रोजन वा बोटनेटका कमाण्ड तथा कन्ट्रोल सर्भर (सीएण्डसी सर्भर) अमेरिकाबाट सञ्चालित रहेको पाइएको सीएनसीईआरटीले प्रतिवेदनमा उल्लेख गरेको छ ।

यो संख्या सन् २०१७ को तुलनामा ९०.८ प्रतिशतले बढी हो ।

त्यसैगरी ३३ हजार २५ इन्टर्नेट प्रोटोकल –आईपी) एड्रेसहरू अमेरिकाबाट सञ्चालित रहेको र यो सन् २०१७ को तुलनामा ४३ प्रतिशतले बढी हो ।

अमेरिकाले तीन हजार ६०७ चिनियाँ वेबसाइटमा अनावश्यक तथा अपकारी (ट्रोजन) गतिविधिमार्फत समस्या उत्पन्न गराइने गरेको भेटिएको सीएनसीईआरटीले जनाएको छ ।

माथिका दुई श्रेणीमा आधारित रहेर हेर्दा चिनियाँ भू–भागमा कम्प्युटर तथा वेबसाइटमार्फत तथ्यांक चोरी हुने वा साइबर आक्रमण हुने समस्या सबैभन्दा बढी अमेरिकाबाट रहेको प्रतिवेदनमा उल्लेख छ ।

–सिन्ह्वा

प्रतिकृया दिनुहोस