अमेरिकामा टिकटकमाथि प्रतिबन्ध लगाउने तयारी गर्दै राष्ट्रपति ट्रम्प
अमेरिकाले चिनियाँ भिडियो सेयरिङ एप्लिकेसन्स, टिकटकमा प्रतिबन्ध लगाउन सकिने जनाएको छ। अमेरिकी राष्ट्रपति डोनाल्ड ट्रम्पले शुक्रबार सो कुराको जानकारी दिएका हुन्।
"हामीले यस विषयमा विचार गरिरहेका छौँ कि अमेरिकाले टिकटकले प्रतिबन्ध लगाउन पनि सक्छ," उनले भने, "हामीले यो विषयको तयारी गरेका छौँ, हामीसँग टिकटकका अरू पनि कैयौँ विकल्पहरू हुन सक्छन्, त्यस बारेमा खोजी गरेका छौँ। हामीले यसमा प्रतिबन्ध लगाउन सक्छौँ।"
अमेरिकामा कतिपय चिनियाँ एप्लिकेन्सहरूमा प्रतिबन्ध लागेको छ। त्यसैले अमेरिकाले टिकटकमा पनि प्रतिबन्ध लगाउनसक्ने तयारी गरेको चर्चा शुरु भएका बेला अमेरिकी राष्ट्रपति डोनाल्ड ट्रम्पको यो भनाई आएको हो।
यसअघि जुलाईको पहिलो सातामा नै अमेरिकी विदेशमन्त्री माइक पोम्पेओले पनि अमेरिकाले टिकटकमाथि प्रतिबन्ध लगाउने बारेमा सोचिरहेको भनाइ राखेका थिए ।
त्यसको करिब महिना दिनपछि अमेरिकी राष्ट्रपति डोनाल्ड ट्रम्पको यो भनाइ आएको छ।