समाचार शुक्रबार, साउन १६, २०७७

प्रधानमन्त्री केपी शर्मा ओलीको विकल्प छैन: आपूर्तिमन्त्री लेखराज भट्ट

हिमालखबर

प्रधानमन्त्री केपी शर्मा ओलीको विकल्प छैन: आपूर्तिमन्त्री लेखराज भट्ट

उद्योग, वाणिज्य तथा आपूर्तिमन्त्री लेखराज भट्टले प्रधानमन्त्री केपी शर्मा ओलीको विकल्प कोही नभएको बताएका छन्। स्थिर सरकारको नयाँ इतिहास रच्नका लागि पनि ओली नेतृत्वको सरकारलाई निरन्तरता दिनुपर्ने उनको भनाइ छ।

बहुमत स्थायी समिति सदस्यहरूले ओलीलाई प्रधानमन्त्री र पार्टी अध्यक्ष दुबै पदबाट राजीनामा दिनुपर्ने बताइरहेका बेला भट्टको यस्तो धारणा आएको हो।

रिपोर्टस क्लबमा भएको कार्यक्रममा मन्त्री भट्टले भने, "केपी शर्मा ओलीको विकल्प मैले देख्दिन। नेपालको इतिहासलाई हामीले के गर्नुपर्छ भने अहिलेसम्मको इतिहासलाई ब्रेक थ्रु गर्नुपर्छ। नयाँ इतिहास बनाउनुपर्छ। त्यो भनेको के हो भने ५ वर्ष सरकारको नेतृत्वलाई निरन्तरता दिनुपर्छ।"

पार्टीमा अध्यक्षद्वय ओली र पुष्पकमल दाहालको बीचमा सहमति बाहेक अर्को विकल्प नभएको उल्लेख गर्दै मन्त्री भट्टले त्यसका लागि ओली नेतृत्वको सरकारलाई निरन्तरता दिनुपर्ने बताए। सरकार परिवर्तनको खेल भए देश फेरी अस्थिरतातर्फ जाने उनले तर्क छ।

मन्त्री भट्टले पार्टीभित्र अहिले केही प्रवृतिहरू खेल्न खोजेकोले त्यसलाई परास्त गरेर अगाडी बढ्ने विश्वास व्यक्त गरे। पार्टीको एकता महाधिवेशन सहमितमै हुने उल्लेख गर्दै भट्टले नेतृत्व समेत सहमति मै टुंगो लाग्ने बताए।

प्रतिकृया दिनुहोस