थप समाचार बुधबार, फागुन २९, २०७५

महिला हत्याकाे अभियाेगमा एक जना पक्राउ

हिमालखबर

हलचाेकमा महिलाकाे हत्या गरेकाे अभियाेगमा प्रहरीले काठमाडौँका ३७ वर्षीय प्रकाश थापामगरलाई पक्राउ गरेको छ । 

महानगरीय अपराध महाशाखाले सुनसरी घर भई नागार्जुन नगरपालिका–५ पाँचधारा हलचोक बस्ने ४५ वर्षीय चेमजोङको हत्या अभियाेगमा उनलाई पक्राउ गरेकाे हाे । 

चेमजाेङकाे साेमबार राति हत्या भएकाे थियाे ।

थापामगरले हत्या गरेकाे स्वीकारेकाे महाशाखाका प्रवक्ता एवं प्रहरी उपरीक्षक सोमेन्द्रसिंह राठौरले बताए ।

काेठामा एकआपसमा विवाद भएपछि लात्तीले हान्दा मृत्यु भएको प्रहरी अनुसन्धानमा खुलेकाे उनकाे भनाइ छ ।

उनीहरुबीच विगत दुई/तीन वर्षदेखि चिनजान भएकाे र एकअर्काकाे काेठामा आवतजावत हुने गरेकाे राठाैरले बताए । - रासस

 

प्रतिकृया दिनुहोस