थप समाचार मंगलबार, जेठ १३, २०७७

कोरोनाभाइरसबाट हुने दैनिक मृत्युदर अमेरिकाभन्दा ब्राजिलमा धेरै

हिमालखबर

कोरोनाभाइरसबाट हुने दैनिक मृत्युदर अमेरिकाभन्दा ब्राजिलमा धेरै

कोरोनाभाइरसबाट सोमबार अमेरिकामा ५०५ जनाको मृत्यु भयो भने ब्राजिलमा ८०६ जनाको मृत्यु भएको छ । आइतबार पनि अमेरिकामा ६१७ जनाको मृत्यु भएको थियो भने ब्राजिलमा ७०३ जनाको मृत्यु भएको थियो ।

अमेरिकामा करीब दुई महीनापछि आइतबारदेखि मृत्यु हुनेको संख्या हजारभन्दा तल झरेको हो । त्यहाँ पहिलोपटक ३१ मार्चमा मृतकको संख्या हजार नाघ्दै एक हजार ८४ पुगेको थियो ।

त्यसबीचमा एक दिन १० मेमा मात्र हजारभन्दा तल ७५० जनाको मृत्यु भएको थियो । गएको शनिबार १०३६ जनाको मृत्यु भएको थियो ।

सोमबार १०० जना भन्दा बढीको मृत्यु हुने सात देशको पहिलो र दोस्रो नम्बरमा ब्राजिल र अमेरिकामा छन् । त्यसपछि मेक्सिकोमा २१५ जनाको मृत्यु भएको छ । भारत पाचौं नम्बरमा छ । त्यहाँ सोमबार १४८ जनाको मृत्यु भएको छ ।

प्रतिकृया दिनुहोस