समाचार सोमबार, जेठ १२, २०७७

काठमाडौं सहित १० जिल्लामा थपिए ७२ संक्रमित, अहिले सम्मकै उच्च संख्यामा संक्रमित पुष्टि

हिमालखबर

काठमाडौं सहित १० जिल्लामा थपिए ७२ संक्रमित,  अहिले सम्मकै उच्च संख्यामा संक्रमित पुष्टि
null

नेपालमा थप ७२ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयले सोमबार नेपालमा एकै पटक ७२ जनामा संक्रमण पुष्टि गरेको छ ।

एकै पटक संक्रमण देखिएको यो अहिलेसम्मकै उच्च हो । सोमबार ७२ जना थपिएसँगै नेपालमा संक्रमित संख्या ६७५ पुगेको छ । मन्त्रालयले जारी गरेको सूचना अनुसार, काठमाडौंमा तीन संक्रमित पुष्टि भएको छ । टोखा नगरपालिका–४, ५ र ६ का २७, ४१ र ३७ वर्षीय पुरुषमा संक्रमण पुष्टि भएको छ ।

धनुषामा तीन जना, बारामा दुई जनामा संक्रमण देखिएको छ । रौतहटमा २६ जनामा संक्रमण पुष्टि भएको छ । काठमाडौं, धनुषा र रौतहटका संक्रमित राष्ट्रिय जनस्वास्थ्य प्रयोगशालामा परीक्षण गरिएको थियो ।

बीपी कोइराला स्वास्थ्य विज्ञान प्रतिष्ठानमा परीक्षण गरिएका सप्तरीका दुई जनामा संक्रमण पुष्टि भएको छ । राप्ती स्वास्थ्य प्रतिष्ठानमा परीक्षण गरिएका बर्दियाका एक जना, बाँकेका चार जनामा संक्रमण पुष्टि भएको छ।

किटजन्य रोग अनुसन्धान तथा तालिम केन्द्रमा परीक्षण गरिएका बाराका २१ जनामा संक्रमण देखिएको छ । दैलेखमा सात जनामा संक्रमण देखिएको छ ।

प्रतिकृया दिनुहोस