समाचार सोमबार, जेठ १२, २०७७

महामारी विरुद्धको संघर्षमा एकताबद्ध प्रतिरोधः दाहाल

हिमालखबर

महामारी विरुद्धको संघर्षमा एकताबद्ध प्रतिरोधः दाहाल
null

नेपाल कम्युनिष्ट पार्टी (नेकपा) का अध्यक्ष पुष्पकमल दाहालले महामारी विरुद्धको संघर्षमा एकताबद्ध प्रतिरोधका लागि आग्रह गरेका छन् ।

मुस्लिम समुदायको चाड ईद उल फित्रका अवसरमा शुभकामना दिंदै दाहालले महामारी विरुद्धको संघर्षमा एकताबद्ध प्रतिरोधको खाँचो रहेको उल्लेख गरेका छन् । ‘‘ईद उल फित्र चाडका अवसरमा मुस्लिम समुदायमा सु–स्वास्थ्य र उत्तरोत्तर प्रगतिको कामनासहित शुभकामना व्यक्त गर्दछु’’, दाहालको शुभकामना सन्देशमा उल्लेख छ ।

उनले नेपाल बहुजातीय, बहुभाषिक, बहुसांस्कृतिक तथा बहुधार्मिक मुलुक भएको उल्लेख गर्दै विविधताभित्रको एकता नै नेपालको मौलिक विशेषता र पहिचान भएको बताएका छन् ।

“बहुधर्म र संस्कृतिले नै हाम्रो समाजलाई पारस्परिक सम्मान, सहिष्णुता र सद्भावसहित अगाडि बढ्न अभिप्रेरित गर्नेछ”, सन्देशमा उल्लेख छ ।

प्रतिकृया दिनुहोस