खेलकुद आइतबार, जेठ ११, २०७७

फ्रान्कफर्ट विरुद्ध बार्यनको सहज जित

हिमालखबर

फ्रान्कफर्ट विरुद्ध बार्यनको सहज जित

जर्मन बुण्डेस लिगाको शनिबार राति सकिएको खेलमा फ्रान्कफर्ट विरुद्ध लिड लिडर बार्यनले सहज जित निकालेको छ । फ्रान्कफर्ट विरुद्ध बार्यनले ५–२ गोल अन्तरले सहज जित निकालेको छ ।

जितसँगै, बार्यनले चार अंकको अग्रता कायम बनाएको छ । बार्यनले २७ खेलबाट ६१ अंक जोडेको छ । बार्यनलाई पछ्याइरहेको डर्टमुन्डले भने समान २७ खेलबाट ५७ अंक जोडेको छ ।

फ्रान्कफर्ट विरुद्ध जित निकालन बार्यनका लागि लियोन गोर्टेज्का, थोमस मुलर, रोबर्ट लेवान्डोस्की र अल्फोन्सो डेभिसले गोल गरे । बार्यनले थप एक गोल भने आत्मघाती उपहार पाएको थियो ।

खेलको १७औं मिनेटमै लियोनले बार्यनलाई अग्रता दिलाए । पहिलो हाफको ४१औं मिनेटमा मुलरले गोल गर्दै अग्रता दोब्बर बनाए । ४६औं मिनेटमा लेवान्डोस्कीले गोल गर्दै बार्यनलाई ३–० को अग्रता दिलएका थिए ।

फ्रान्कफर्टका लागि मार्टिन हिन्टेरेगरले लगातार ५२औं र ५५औं मिनेटमा गोल गर्दै ३–२ गोल अन्तरको अवस्था बनाएका थिए । तर, ६१औं मिनेटमा फेरि बार्यनले गोल गरेपछि अग्रता फेरि दोब्बर बनाए भने ७४औं मिनेटमा बार्यनले आत्मघाती गोलको उपहार पायो ।
बुन्डेस लिगा महामारी पछाडि बिना दर्शकको मैदानमा चलिरहेको छ ।

प्रतिकृया दिनुहोस