थप समाचार शनिबार, जेठ १०, २०७७

अमेरिकापछि ब्राजिलमा धेरै कोरोना संक्रमित, दैनिक २० हजारलाई संक्रमण

हिमालखबर

अमेरिकापछि ब्राजिलमा धेरै कोरोना संक्रमित, दैनिक २० हजारलाई संक्रमण

ब्राजिलमा कोरोनाभाइरस संक्रमितको संख्या तीव्र गतिमा बढिरहेको छ । विश्वमा अमेरिकापछि संक्रमितको संख्या ब्राजिलमा धेरै भएको छ ।

अहिलेसम्म त्यहाँ तीन लाख ३२ हजार ३८२ पुगेको छ । उपचाररत संक्रमितको संख्या पनि एक लाख ७५ हजारभन्दा बढी छ । अहिलेसम्म २१ हजार ११६ जनाको मृत्यु भएको छ । एक लाख ३५ हजारभन्दा बढी निको भएका छन् ।

शुक्रबार मात्र झन्डै २० हजार नयाँ संक्रमित फेला परेका छन् बिहीबार झन्डै ११ हजार फेला परेका थिए ।

दैनिक मृत्युदरमा भने उतारचढाव छ । बिहीबार ११ सय ८८ जनाको मृत्यु भएको थियो भने शुक्रबार ९६६ को मृत्यु भएको छ ।

ब्राजिलमा नयाँ संक्रमितको संख्या अमेरिकाको भन्दा कम हो । त्याँ दैनिक २५ हजारको हाराहारीमा नयाँ संक्रमित फेला पर्छन् । अमेरिकामा अहिलेसम्म करीब साढे १६ लाख संक्रमित फेला परेका छन् । तीमध्ये ९७ हजार ६४० जनाको मृत्यु भइसकेको छ ।

प्रतिकृया दिनुहोस