थप समाचार शुक्रबार, जेठ ९, २०७७

बन्दाबन्दीका कारण भारतमा थपिए १२ करोड बेरोजगार

हिमालखबर

बन्दाबन्दीका कारण भारतमा थपिए १२ करोड बेरोजगार

कोभिड महामारीको रोकथाम गर्न भारत सरकारले चौथाे पटक बन्दाबन्दी थप गरिसकेको छ । चौथाे पटक थप गरिएको बन्दाबन्दी १८ जेठसम्म कायम रहनेछ।

३० जनवरीमा पहिलो संक्रमण देखिएको भारतमा शुक्रबार दिउँसोसम्म एक लाख १८ हजारमा फैलिएको छ । भारत सरकारले महामारीका कारण ३५८३ जनाको मृत्यु भइसकेको छ ।

महाराष्ट्रमा सबैभन्दा बढी संक्रमित देखिएको छ । त्यहाँ, ४१ हजार बढी संक्रमित देखिएकोमा १४५४ जनाको मृत्यु भएको छ । महाराष्ट्र, तमिलनाडु, गुजरात, दिल्ली, राजस्थान, मध्ये प्रदेश, उत्तर प्रदेश लगायत प्रभावित छन् ।

भारतमा संक्रमित हुने र मृत्यु हुनेको दर समेत बढेको छ । २४ मार्चमा बन्दाबन्दी घोषणा गर्दा भारतमा ५६४ जनामा संक्रमण देखिएकाेमा १० जनाको मृत्यु भएको थियो । अर्थात्, संक्रमित मध्ये १.७७ प्रतिशतको मृत्यु भएको थियो ।

तर, संक्रमित मध्ये मृत्यु हुनेको प्रतिशत ३.१७ पुगेको छ । महामारीका कारण बेरोजगारको संख्या अत्यधिक बढेको भारतीय सञ्चार माध्यमहरुले जनाएका छन् । बीबीसी हिन्दीका अनुसार, भारतमा १२ करोड बढी थप बेरोजगार थपिएका छन् । त्यस मध्ये असंगठित मजदुर बढी छन् ।

न्यून आय भएकाहरुका लागि भारत सरकारले २० लाख करोड राहत घोषणा गरेको छ । यो राहत रकम भारतको १० प्रतिशत जीडीपी बराबर हो । अर्थात्, भारतको अर्थव्यवस्था नराम्रो गरी खल्बलिएको छ ।

प्रतिकृया दिनुहोस