समाचार शुक्रबार, जेठ ९, २०७७

विश्वभर कोरोनाभाइरसबाट तीनलाख ३४ हजारको मृत्यु, निकाे हुने २१ लाख पुग्न लागे

हिमालखबर

विश्वभर कोरोनाभाइरसबाट तीनलाख ३४ हजारको मृत्यु, निकाे हुने २१ लाख पुग्न लागे
फाइल तस्विर

विश्वव्यापी महामारीको रुपमा फैलिएको कोरोनाभाइरसको संक्रमणबाट विश्वमा ५१ लाखभन्दा बढी संक्रमित भएका छन् । तथ्यांक अनुसार करिब ५१ लाख ९४ हजार संक्रमित हुँदा निको हुनेको संख्या २० लाख ८१ हजार नाघेकाे छ ।

विश्वमा कोरोनाभाइरसको संक्रमणबाट मृत्यु हुनेको संख्या शुक्रबार बिहानसम्म तीनलाख ३४ हजार नाघेको छ । सबैभन्दा बढी संक्रमित रहेको अमेरिकामा मात्रै मृतकको संख्या ९६ हजार पुगेको छ, संक्रमितको संख्या १६ लाख २० हजारभन्दा बढी छ ।

त्यस्तै संक्रमित संख्याको आधारमा अमेरिका पछाडि रहेको रसियामा भने मृतकको संख्या कम छ । त्यहाँ सवा तीन लाख संक्रमित हुँदा चारहजार जनाको मृत्यु भएको वल्डओमिटरले जनाएको छ ।

बढी मृत्यु हुने देशमा अमेरिकापछि बेलायत (३६,०४२), इटाली (३२,४८६), फ्रान्स (२८,२१५), स्पेन (२७,९४०) र ब्राजिल (२०,०४७) रहेको छ ।

वल्डओमिटरका अनुसार कोरोनाभाइरसको संक्रमित भएको देशको संख्या २१५ रहेको छ ।

सबैभन्दा बढी संक्रमित रहेको अमेरिका पहिलो नम्बर छ भने ४५७ जना संक्रमित भएको नेपाललाई १३१औं नम्बरमा राखिएको छ ।

प्रतिकृया दिनुहोस