कला/साहित्य सोमबार, जेठ ५, २०७७

अमेरिकन आइडलको उपविजेता बने दिवेश, उपाधि जस्ट सामलाई

हिमालखबर

अमेरिकन आइडलको उपविजेता बने दिवेश, उपाधि जस्ट सामलाई
दिवेश पोखरेल

नेपाली मूलका दिवश पोखरेल १९औँ अमेरिकन आइडलको उपविजेता बनेका छन् । लाइबेरियन मूलकी जस्ट सामले उपाधि जितेकी छिन् ।

उत्कृष्ट दुईमा सामले भोटको आधारमा दिवेशलाई पछाडि पारेकी हुन् । २१ वर्षीया सामको वास्तववि नाम समन्था डियाज हो । उनलाई जिताउन लाइबेरियामा अभियान नै चलाइएको थियो ।

साम र दिवेश उत्कृष्ट सातबाट आजै उत्कृष्ट पाँच र हुँदै फाइनलमा पुगेका थिए । यसअघि उत्कृष्ट पाँचमा उनीहरुसँगै फ्रान्सिस्को मार्टिन, डिलन जेम्स र जोनी वेष्ट पनि पुगेका थिए ।

जस्ट साम

दिवेशले आर्थर गनको नामबाट अमेरिकन आइडलमा प्रतिस्पर्धा गरेका हुन् । २२ वर्षीय दिवेशले उत्कृष्ट सातमा गोभिन डिग्रको ‘आइ डोन्ट वान्ट टु बी’ बोलको गीत गाउँदै उत्कृष्ट पाँचमा पुगेका थिए । उत्कृष्ट दुईमा नियमानुसार दुवैले दुई वटा प्रस्तुति दिएका थिए ।

उत्कृष्ट सात, पाँच र फाइनलमा प्रतिस्पर्धीले घरबाटै प्रस्तुति दिएका थिए । कोरोनाभाइरस संक्रमणका कारण प्रतिस्पर्धाको स्वरुप परिवर्तन गरी घरैबाट प्रस्तुति दिने नियम बनाइएको थियो । निर्णायकले पनि घरैबाट उपस्थिति जनाएका थिए ।

काठमाडौँ रविभवनका दिवेश सन् २०१४ मा अध्ययनका लागि अमेरिका पुगेका थिए । उनी परिवारसँगै केन्सासको विचिटामा बस्छन् ।

 

 

प्रतिकृया दिनुहोस