खेलकुद सोमबार, वैशाख १५, २०७७

सिरि एः इटालीमा महामारीको प्रकोप घटेपछि प्रशिक्षणको अनुमति

हिमालखबर

सिरि एः इटालीमा महामारीको प्रकोप घटेपछि प्रशिक्षणको अनुमति

विश्वव्यापी महामारीको रुप लिएको कोभिड १९ को प्रकोप इटालीमा केही कमी देखिए पछि सिरि ए पुनः सञ्चालन गर्न खेलाडीहरुलाई प्रशिक्षणको अनुमति दिइएको छ ।

इटाली सरकारले बन्दाबन्दी समेत खुकुलो पार्ने र सिरि ए पुनःसञ्चालन गर्न प्रशिक्षणको अनुमति दिने निर्णय गरेको हो । त्यहाँको सरकारले ४ मे बाट व्यक्तिगत र १८ मे बाट टीम प्रशिक्षण गर्ने अनुमति दिएको हो ।

खेल तालिका भने २७ मे देखि २ जुन बीच सार्वजनिक गरिनेछ । महामारीका कारण सिरि ए रोकिएको थियो । इटालीमा महामारीबाट २६ हजार बढीको मृत्यु भएको छ । आइतबार मात्रै इटालीमा २६० जनाको मृत्यु भएको छ ।

तर, १४ मार्च पछाडि प्रति दिन मृत्यु भएको यो सवै भन्दा कम संख्या हो । इटालीमा एक लाख ९७ हजार संक्रमित भएका छन् । पछिल्लो समय केही नियन्त्रणमा आएसँगै, सार्वजनिक स्थलहरु सञ्चालन गर्ने निर्णय गरिएको सरकारी अधिकारीहरुले जनाएका छन् ।

 

प्रतिकृया दिनुहोस