थप समाचार विहीबार, चैत १३, २०७६

धनुषा बम विस्फोटका आरोपित पक्राउ

हिमालखबर

धनुषा बम विस्फोटका आरोपित पक्राउ
बम बिस्फाेट भएकाे घटनास्थल

धनुषा प्रहरीले आफ्ना प्रहरी निरीक्षक अमिरकुमार दाहाल सहित तीन जनाको मृत्यु भएकाे बम विस्फोट घटनाका आरोपित गंगा मण्डल खत्वेलाई पक्राउ गरेको छ।

धनुषाधाम नगरपालिका–३ तेजनगर बस्ने खत्वे गएको ७ चैतमा घर आएको मौका पारी प्रहरीले पक्राउ गरेको हो। उनी घटना लगत्तै फरार थिए। 

धनुषाको क्षिरेश्वरनाथ नगरपालिका-५ मा २७ मंसीरमा भएको बम विस्फोटमा निरीक्षक दाहाल सहित मेडिकल व्यवसायी ४८ वर्षीय राजेश साह र उनका १६ वर्षीय छोरा आनन्द साहको मृत्यु भएको थियो। प्रहरीका एक जना जवानसहित ४ जना घाइते भएका थिए।

प्रहरीले घटना लगत्तै बनाएको डीएसपी रामेश्वर कार्की सहित १२ जनाको अनुसन्धान टोलीले हालसम्म ८ जनालाई पक्राउ गरेर मुद्दा चलाएको छ।

धनुषा प्रहरी प्रमुख एसपी रमेश बस्नेतले विस्फोटको घटनामा खत्वे सहयोगी भूमिकामा देखिएकाले पक्राउ गरिएको बताए।

प्रतिकृया दिनुहोस