खेलकुद विहीबार, फागुन २९, २०७६

रोनाल्डो सहित खेलाडीहरु क्वारेन्टाइनमा राखिएपछि च्याम्पियन्स लिगको खेल स्थगित

हिमालखबर

रोनाल्डो सहित खेलाडीहरु क्वारेन्टाइनमा राखिएपछि च्याम्पियन्स लिगको खेल स्थगित

क्रिश्चियानो रोनाल्डो सहित युभेन्टसका खेलाडीहरु क्वारेन्टाइनमा राखिए पछि च्याम्पियन्स लिगका खेल स्थगित गरिएको छ ।

इटालीका फुटबल खेलाडी डानिएले रुगानीमा कोरोना भाइरसको संक्रमण देखिएपछि युभेन्टसका खेलाडीहरुलाई क्वारेन्टाइनमा राखिएको छ । खेलाडीहरु क्वारेन्टाइनमा राखिएपछि युभेन्टस र लियोन विरुद्धको खेल स्थगित गरिएको छ ।

पहिलो लेगमा एक–शून्यले पराजित भएको युभेन्टसका लागि क्वाटर फाइनलमा जान दोस्रो लेग जित्नैपर्ने दबाव थियो । तर, खेलाडीहरु क्वारेन्टाइनमा राखिएपछि खेल स्थगित गरिएको छ ।

यस्तै, म्यानचेस्टर सिटी र रियल मड्रिड बीचको खेल पनि स्थगित गरिएको छ । पहिलो लेगमा सिटीले मड्रिडलाई दुई–शून्यले पराजित गरेको थियो ।

कोरोनाको संक्रमणले विश्वव्यापी महामारीको रुप लिएपछि यूरो कप २०२० समेत सारिने भएको छ । खेल सन् २०२१ को समरसम्म सार्ने यूईएफएले तयारी गरेको छ । यसको अन्तिम निर्णय भने मंगलबार गर्ने बताइएको छ ।

प्रतिकृया दिनुहोस