खेलकुद आइतबार, फागुन ११, २०७६

लेभान्टेसँग रियल मड्रिड पराजित हुँदा बार्सिलोनालाई फाइदा

हिमालखबर

लेभान्टेसँग रियल मड्रिड पराजित हुँदा बार्सिलोनालाई फाइदा

स्पेनिस ला लिगामा उपाधि प्रतिश्पर्धामा रहेको रियल मड्रिड लेभान्टेसँग पराजित भएको छ ।

शनिबार राति सकिएको खेलमा लेभान्टेसँग रियल एक–शून्य गोल अन्तरले पराजित हुन पुग्यो । खेल अवधिभर हाबी भएको रियल विरुद्ध लेभान्टेका जोस लुइस मोरालेसले निर्णायक गोल गरे ।

पहिलो हाफ गोल रहित बराबरी सकिएको थियो । दोस्रो हाफको ७९औं मिनेटमा लेभान्टेका मोरालेसले गोल गरे । लेभान्टेले यही अग्रता कायम राख्दा रियल पराजित हुन पुग्यो ।

रियल पराजित हुँदाको फाइदा भने बार्सिलोनालाई भएको छ । एइबर विरुद्ध ५–० गोल अन्तरको शानदार जित निकालेको बार्सिलोनाले रियललाई पछाडि पार्दै शीर्ष स्थानमा उक्लिएको थियो ।

तर, रियल पराजित हुँदा बार्सिलोना समान २५ खेलमा दुई अंकको फरकले शीर्ष स्थानमा रहेको छ । रियलले भने २५ खेलबाट ५३ अंकमा सीमित रहेको छ ।

प्रतिकृया दिनुहोस