अर्थ/बजार आइतबार, माघ २६, २०७६

बनेपाको शुभकामना सिनेमा घर अब डिजिटल प्रविधिमा

हिमालखबर

बनेपाको शुभकामना सिनेमा घर अब डिजिटल प्रविधिमा

काभ्रेको बनेपामा रहेको शुभकामना हाइ भिजन सिनेमा हलले डिजिटल प्रविधिको सुविधा थप गरेको छ । यससँगै उक्त सिनेमा हलको नाम समेत परिवर्तन गरेर शुभकामना सिनेमा हल राखिएको छ ।

तीव्र प्रतिस्पर्धा, बजारको माग र दर्शकको चाहनालाई ख्याल गर्दै काभ्रेको बनेपामा रहेको शुभकामना सिनेमा हलले पनि आफूलाई अपग्रेड गर्दै पूर्ण डिजिटल प्रविधिमा सञ्चालन भएको हो ।

निर्माणको लागि करिब ४५ दिन बन्द रहेको सिनेमा हल शुक्रबार, २४ माघदेखि अत्याधुनिक डल्बी डिजिटल साउण्ड, फूल एसी, आरामदायी सिटसहित सञ्चालनमा आएको छ । २४ माघदेखि बिहान ८ः३० र ११ः ३० बजे साङ्लो, दिउँसो २ः३० बजे सेल्फी किङ र साँझ ६ बजे हिन्दी चलचित्र मलङ्ग प्रदर्शन भइरहेका छन् ।

पुनः सञ्चालनमा आएको अवसरमा सिनेमा हलले विशेष छूटको व्यवस्था गरेको छ । केही समयको लागि टिकटदर १५० रूपैयाँ तोकिएको छ । त्यस्तै बुधबार, बिहीबार तथा हरेक बिहानी सो मा १०० रूपैयाँ मात्र टिकटदर रहेको छ ।

प्रविधिको विकास र विस्तारसँगै सिने क्षेत्रमा पनि थुप्रै खालका नयाँ प्रविधिहरू भित्रिएका कारण शुभकामना सिनेमा हलले पनि आफूलाई सोही अनुसार विकास गरेको जनाएको छ ।

प्रतिकृया दिनुहोस