खेलकुद शनिबार, माघ २५, २०७६

युवा अलराउण्डर कुशलको अमेरिका विरुद्ध बिस्फोटक ब्याटिङ

हिमालखबर

युवा अलराउण्डर कुशलको अमेरिका विरुद्ध बिस्फोटक ब्याटिङ

अमेरिका विरुद्ध लगातार विकेट गुमिरहेका बेला नेपालका युवा अलराउण्डर कुशल मल्लले बिस्फोटक ब्याटिङ गरिरहेका छन् ।

२० ओभरको खेल नसकिदै ५० रन जोडेर पाँच विकेट गुमाइसकेको नेपालका लागि मल्लले आशा जगाएका छन् । १५ वर्षीय क्रिकेटर कुशलले २९ बलमा २७ रन जोडिसकेका छन् । उनले दुई छक्का र दुई चौका प्रहार गर्दै अनुभवी ब्याट्सम्यान बिनोद भण्डारीसँग साझेदारी गरिरहेका छन् । कुशलको एक दिवसीय क्रिकेटमा डेब्यू हो ।

बिनोदले पनि ३२ बलमा २५ रन जोडिसकेका छन् । अहिले ३० ओभर सकिदा नेपालले १०२ रन जोडेको छ ।

घरेलु मैदान कीर्तिपुरमा जारी एक दिवसीय सिरिजमा नेपाल अमेरिकासँग खेलिरहेको छ ।

अमेरिकाले टस जितेर फिल्डिङ रोजेपछि नेपाल ब्याटिङ गरिरहेको छ । शरद भेषवाकरको ठाउँमा स्थान बनाएका सुवास खकुरेल, कप्तान ज्ञानेन्द्र मल्ल, पूर्व कप्तान पारस खड्का, उपकप्तान दीपेन्द्रसिंह ऐरी र आरिफ शेखजस्ता भरपर्दा ब्याट्सम्यान नेपालले गुमाइसकेको छ ।

ओपनिङमा आएका खकुरेलले ३ रनमै आउट भए । कप्तान मल्लले २१, खड्का १९ रनमै आउट भए । उपकप्तान ऐरीले खाता खोल्न नै सकेनन् । नेपालले बुधबार ओमानसँग पनि हार बेहोरेको थियो ।

प्रतिकृया दिनुहोस