थप समाचार शुक्रबार, माघ २४, २०७६

हिम पहिरोमा बेपत्ता आफ्ना नागरिक खोजी दिन गृहमन्त्रीसँग राजदूत पार्कको आग्रह

हिमालखबर

हिम पहिरोमा बेपत्ता आफ्ना नागरिक खोजी दिन गृहमन्त्रीसँग राजदूत पार्कको आग्रह

नेपालका लागि दक्षिण कोरियाका राजदूत पार्क योङ्गसिकले हिम पहिरोमा हराइरहेका आफ्ना चार नागरिकबारे गृहमन्त्री रामबहादुर थापासँग जानकारी लिएका छन् ।

गृह मन्त्रालयमा शिष्टाचार भेटवार्ताका क्रममा केही दिन अघि कास्कीको अन्नपूर्ण क्षेत्रमा गएको हिम पहिरोमा परी हराइरहेका आफ्ना नागरिकको खोजी गरिदिन राजदूत पार्कले आग्रह समेत गरे ।

गृहमन्त्री थापाले हिम पहिरो लगत्तै धेरै व्यक्ति सकुसल उद्धार भए पनि चार कोरियाली र तीन नेपाली अझै हराइरहेको बताए । गृहमन्त्री थापाले उनीहरुको खोजी कार्य जारी रहेको जानकारी दिएका छन् ।

गृहमन्त्री थापाले नेपाली सेना, नेपाल प्रहरी र ससस्त्र प्रहरी तथा स्थानीय समेतको सहयोगमा हराइरहेकाको खोजी गरिरहेको बताए । गएको ३ माघमा अन्नपूर्ण हिमाल क्षेत्रमा परेको हिमपातका कारण उनीहरु हराइरहेका छन् ।

भेटवार्तामा गृहमन्त्री थापाले नेपालको विकासमा कोरिया सरकारले गरेको सहयोगप्रति धन्यवाद दिँदै आगामी दिनमा सहयोगले निरन्तरता पाउने आशा व्यक्त गरे ।

प्रतिकृया दिनुहोस