अर्थ/बजार शुक्रबार, माघ २४, २०७६

माछापुच्छ्रे क्यापिटल लिमिटेडको औपचारिक उद्घाटन

हिमालखबर

माछापुच्छ्रे  क्यापिटल लिमिटेडको औपचारिक उद्घाटन

माछापुच्छ्रे बैंक लिमिटेडको पूर्ण स्वामित्वमा रहेको माछापुच्छ्रे क्यापिटल लिमिटेडको आज एक औपचारिक कार्यक्रम गरेर उद्घाटन भएको छ ।

नेपाल धितोपत्र बोर्डका अध्यक्ष भिष्मराज ढुङ्गाना र माछापुच्छ्रे बैंकका अध्यक्ष बिरेन्द्र प्रसाद महतोद्वारा संयुक्त रुपमा क्यापिटलको उद्घाटन भएको हो ।

समारोहमा नेपाल धितो पत्र बोर्डका अध्यक्ष भिष्मराज ढुङ्गानाले माछापुच्छ्रे क्यापिटल लिमिटेडले देशको खुम्चिएको पुँजीबजार क्षेत्रको विकास गर्न तथा नयाँ क्षेत्रहरुको पहिचान गरी नयाँ कार्यक्रमहरु बजारमा ल्याउन सफलताको शुभकामना व्यक्त गरे ।

साथै, पुँजीबजार क्षेत्रमा नवीनता ल्याउन जरुरी भएको परिप्रेक्ष्यमा यस क्यापिटलले थप व्यावसायिकता र नयाँ कार्यशैली सहित मर्चेन्ट बैकिंग क्षेत्रमा प्रवेश गर्ने विश्वास लिएको जानकारी दिए ।

त्यस्तै, माछापुच्छ्रे बैंक लिमिटेडका अध्यक्ष बिरेन्द्र प्रसाद महतोले माछापुच्छ्रे क्यापिटलले आफ्नो व्यवसाय बिस्तारको क्रममा राजधानीभित्र मात्र नभई देशभरि रहेका लगानीकर्ता हरुलाई सेवा पुर्‍याउनु पर्नेमा जोड दिए ।

प्रतिकृया दिनुहोस