समाचार बुधबार, माघ १, २०७६

उपसभामुखले राजीनामा दिनुपर्छः प्रवक्ता श्रेष्ठ

हिमालखबर

उपसभामुखले राजीनामा दिनुपर्छः प्रवक्ता श्रेष्ठ

सत्तारूढ दल नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले सभामुख नेकपाको पक्षमा राख्नका लागि उपसभामुखले राजीनामा दिनुपर्ने बताएका छन् ।

लमजुङको वेँसीशहरमा प्रेस संगठन नेपालले गरेको पत्रकार सम्मेलनमा नेकपाले निर्णय गरिसकेकाले उपसभामुखले राजीनमा दिनुपर्ने बताए । उनले भने, “संविधानले एउटै पार्टीका सभामुख र उपसभामुख हुन नपाउने व्यवस्था गरेको छ । हाम्रो पार्टी संसद्को सबैभन्दा ठूलो पार्टी भएकाले रिक्त पदमा आफ्नो दाबी गर्नु र सभामुख पद हासिल गर्नु स्वाभाविक हो । त्यसको लागि वर्तमान उपसभामुखले राजीनामा दिएर बाटो खोलिदिनुपर्ने अवस्था छ ।”

संविधानको मर्मअनुसार उपसभामुख हाम्रो पार्टीको हुँदासम्म सभामुख हाम्रो पार्टीको हुन नसक्ने भएकाले उपसभामुखलाई राजीनामा दिन अनुरोध गरेको प्रवक्ता श्रेष्ठले बताए । श्रेष्ठले भने, “उहाँले राजीनामा नदिँदासम्म सभामुख हाम्रो पार्टीले पाउने सम्भावनाको अन्त्य हुन्छ ।”

उनले सरकारले पहिलोे पटक लिम्पियाधुरा सहित कालापानी र लिपुलेक पनि हाम्रो भूभाग हो भनेर राज्य र सरकारका तर्फबाट आधिकारिक धारणा प्रस्तुत गरेको बताए ।

प्रतिकृया दिनुहोस