समाचार आइतबार, पुस २७, २०७६

पार्टीको विवादले संसद बन्धक बनाइएकोमा कांग्रेसको आपत्ति

हिमालखबर

पार्टीको विवादले संसद बन्धक बनाइएकोमा कांग्रेसको आपत्ति
null

प्रमुख प्रतिपक्षी दल नेपाली कांग्रेसले प्रतिनिधिसभा बैठक लगातार स्थगित भएकोमा आपत्ति जनाएको छ ।

प्रवक्ता विश्वप्रकाश शर्माले जारी गरेको बक्तव्यमा सत्तारुढ पार्टीभित्रको विवादका कारण संसद बैठक पटक–पटक स्थगित हुनुले संसद प्रति नेकपाको गेह्रजिम्मेवारपन प्रकट भएको उल्लेख गरिएको छ ।

बक्तव्यमा भनिएको छ, “संसदीय प्रणालीमा सभामुखको विशेष नेतृत्वदायी भुमिका, गरिमा र महत्व हुन्छ । तर, ३ महीनादेखि रिक्त पदमा नयाँ सभामुख चयन गर्न प्रतिनिधिसभामा प्रक्रिया अघि नबढाइनु र सत्तारूढ दलभित्रको विवादको छायाँमा प्रतिनिधिसभालाई लाचार छायाँ बनाउन खोज्नु आपत्तिजनक र लज्जास्पद छ ।”

२७ पुसमा बोलाइएको संसद बैठक स्थगित भएपछि प्रवक्ता शर्माले बक्तव्य जारी गरेका हुन् । सभामुख को हुने भन्ने विषय नटुंगिएकाले ४ पुसमा बोलाइएको बैठक अझै बस्न सकेको छैन ।

याे पनि

शक्ति स्वार्थले संसद बन्धक

 

प्रतिकृया दिनुहोस