खेलकुद शनिबार, पुस २६, २०७६

बढी विकेट लिने उत्कृष्ट तीनमा सन्दीप

हिमालखबर

बढी विकेट लिने उत्कृष्ट तीनमा सन्दीप

जारी बिग बास लिग (बीबीएल) मा सन्दीप लामिछाने उत्कृष्ट प्रदर्शन गर्दै आएका छन् । शुक्रबार दिउँसो मेलबर्न रेनेगेड्स विरुद्ध सन्दीपले महत्वपूर्ण दुई विकेट लिएका थिए ।

टस जितेर फिल्डिङ रोजेको मेलबर्न स्टार बिरुद्ध बिस्फोटक ब्याटिङ गरिहेको मेलबर्न रेनेगेड्सका ओपनर शौं मार्सलाई सन्दीपले कट एण्ड बोल्ड गरेका थिए । मार्सले ४२ बलमै ६३ रन जोड्दै बिस्फोटक ब्याटिङ गरिरहेका थिए ।

व्यक्तिगत पहिलो र दोस्रो ओभरमा विकेट लिन नसकेका सन्दीपले तेस्रोमा मार्स र चौथौं ओभरमा बिउ वेवस्टारलाई आउट गरे ।

सन्दीपको दुई विकेट सँगै १६९ रनको लक्ष्य पाएको मेलबर्न स्टारले सात विकेटको जित निकाल्दै आठ खेलबाट १४ अंक जोडेको छ । रेनेगेड्स विरुद्धको दुई विकेट सँगै सन्दीप मेलबर्नका लागि बढी विकेट लिने उत्कृष्ट तीनमा समेत परेका छन् । उनले ११ खेलबाट ११ विकेट नै लिएका छन् ।

१५ खेलबाट आदम जाम्पा १९ विकेट सहित पहिलो नम्बर र हरिस रुफले ५ खेलबाटै १४ विकेट लिदैं दोस्रो स्थानमा छन् ।

 

प्रतिकृया दिनुहोस