थप समाचार शनिबार, पुस १९, २०७६

सुलेमानीको शव यात्रामा ठूलो भीड सहभागी, अमेरिका विरुद्ध जुलुस

हिमालखबर

सुलेमानीको शव यात्रामा ठूलो भीड सहभागी, अमेरिका विरुद्ध जुलुस

अमेरिकी हवाई हमलाबाट मारिएका इरानी उच्च सैन्य कमाण्डर कासिम सुलेमानीको शवयात्रामा ठूलो भिड सहभागी भएको छ । इराकको राजधानी बगदादमा मारिएका सुलेमानीको शोक मनाउन ठूलो भीड सहभागी भएको हो ।

बगदादमै पहिलो दिनको शोक मनाइएको छ । उनको निधनमा तीन दिन शोक मनाउने घोषणा भएको छ । यसपछि सुलेमानीको शव इरान लगेर उनको गृहनगरमा अन्तिम संस्कार गरिने बताइएको छ ।

सहभागीहरुले सुलेमानी र इरानका सर्वोच्च नेता आयतोल्लाह अली खामेनीको तस्वीर बोकेका थिए । बिहानैबाट सहभागीहरुले अमेरिका विरुद्ध जुलुस लगाएका थिए ।

इरानको दोस्रो शक्तिशाली नेता ६२ वर्षीय सुलेमानीलाई राष्ट्रिय नायकका रुपमा लिइन्थ्यो । उनको हत्या पछि इरानले कडा बद्ला लिने प्रतिक्रिया दिएको छ भने अमेरिका युद्ध अन्त्य गर्न सुलेमानीको हत्या गरिएको जनाएको छ ।

 

प्रतिकृया दिनुहोस