समाचार बुधबार, मंसिर २५, २०७६

सागमा स्वर्ण जित्ने खेलाडीलाई नौ लाख दिने प्रधानमन्त्रीको घोषणा

हिमालखबर

सागमा स्वर्ण जित्ने खेलाडीलाई नौ लाख दिने प्रधानमन्त्रीको घोषणा

तेह्रौ दक्षिण एसियाली खेलकुद (साग) मा स्वर्ण जित्ने खेलाडीलाई नौ लाख पुरस्कार दिने प्रधानमन्त्री केपी शर्मा ओलीले घोषणा गरेका छन् ।

बालुवाटारमा साग विजेता खेलाडीहरुलाई बोलाएर प्रधानमन्त्री ओलीले पुरस्कार घोषणा गरेका हुन् । प्रधानमन्त्री ओलीले रजत जित्ने खेलाडीलाई ६ लाख र काँस्य जित्नेलाई तीन लाख दिने घोषणा गरेका छन् ।

मंगलबार घरेलु मैदानमा सकिएको तेह्रौ सागमा नेपालले ५१ स्वर्ण पदक सहित २०६ पदक जितेको छ ।

स्वास्थ्यका कारण दशरथ रंगशाला जान नसकेका प्रधानमन्त्री ओलीले बालुवाटारमै खेलाडीहरुलाई बोलाएर पुरस्कार घोषणा गरेका हुन् ।

प्रतिकृया दिनुहोस