समाचार आइतबार, मंसिर २२, २०७६

प्रहरीको गोली लागेका विद्यार्थीलाई काठमाडौं ल्याइदै

हिमालखबर

प्रहरीको गोली लागेका विद्यार्थीलाई काठमाडौं ल्याइदै

ट्रकले विद्यार्थीलाई किचेपछि तनावग्रस्त बनेको बाँकेको कोहलपुरमा प्रहरीले चलाएको गोली लागेर एक विद्यार्थी घाइते भएका छन् ।

घाइते विद्यार्थीलाई काठमाडौं ल्याइदै छ । नेपाली सेनाकाे हेलिकाेप्टरबाट घाइतेलाई काठमाडाै‌ ल्याइदै गरेकाे हाे । 

आइतबार बिहानै देखि जारी प्रदर्शनले उग्र रुप लिएपछि प्रहरी र प्रदर्शनकारी बीच झडप भएको थियाे । झडपमा दुई दर्जन बढी विद्यार्थी घाइते भएका छन् । 

प्रहरी कार्यालय नै घेराउ गरेपछि गोली चलाउनु परेको प्रहरीको भनाइ छ । 

प्रहरीका अनुसार, प्रदर्शनकारीको आक्रमणमा परी डीएसपी हेमराज थापा सहित नौ जना प्रहरी समेत घाइते भएका छन् ।

कोहलपुर–१० स्थित त्रिभुवन माविका विद्यार्थी छात्रा प्रकृती चन्दलाई कोहलपुरबाट नेपालगन्ज जाँदै गरेको ना २ ख ९४५९ नम्बरको ट्रकले किचेको थियो । प्रमुख जिल्ला कुमार खड्काका अनुसार, चन्दकाे अवस्था गम्भीर रहेकाे छ । 

प्रतिकृया दिनुहोस