समाचार शनिबार, मंसिर २१, २०७६

सर्वोच्चमा बहस गर्न आफैं जान तयार छुः मन्त्री भट्टराई

हिमालखबर

सर्वोच्चमा बहस गर्न आफैं जान तयार छुः  मन्त्री भट्टराई

संस्कृति, पर्यटन तथा नागरिक उड्ययन मन्त्री योगेश भट्टराईले सर्वोच्चमा बहस गर्न आफैं जाने बताएका छन् ।

काठमाडौंमा आयोजित एक कार्यक्रममा मन्त्री भट्टराईले निजगढ अन्तरराष्ट्रिय विमानस्थलबारे बहस गर्न आफैं सर्वोच्च जाने बताए । उनले भने, “देशको भविष्यसँग जोडिएको विषयमा बहस गर्न म आफैं सर्वोच्च जान तयार छु ।”

सर्वोच्चले भन्दैमा विमानस्थल निर्माणको पूर्व तयारीको काम नरोकिने बताएका छन् । “कुनै पनि निकाय यो आयोजनाको अवरोध बन्दैन, तर सर्वोच्चले त्यसबारे प्रष्ट हुन खोजेको छ । प्रष्ट बनाउनु सरकारको दायित्व हो”, मन्त्री भट्टराईले भने ।

फिल्डमा नजाने तर, कागजी कामको तयारी गर्न सक्ने उनले बताए । निजगढ विमानस्थल निर्माणका क्रममा रुख कटानको कामबारे कुनै निर्णय नलिन सर्वोच्चले शुक्रबार अन्तरिम आदेश दिएको छ ।

२९ मंसीरमा सर्वोच्चले यसबारे छलफल गर्न दुवै पक्षलाई बोलाएको छ ।

 

प्रतिकृया दिनुहोस