थप समाचार शनिबार, मंसिर २१, २०७६

क्षमता भन्दा बढी यात्रु बोक्ने सवारी साधनमाथि कडा कार्बाही

हिमालखबर

क्षमता भन्दा बढी यात्रु बोक्ने सवारी साधनमाथि कडा कार्बाही

क्षमता भन्दा बढी यात्रु बोकेका कारण सवारी दुर्घटना बढेपछि सरकार कडा कार्बाहीमा उत्रने भएको छ ।

इातायात व्यवस्था विभागले सूचना नै जारी गरी क्षमता भन्दा बढी यात्रु बोक्ने सवारीलाई कडा कार्बाही गर्ने चेतावनी दिएको हो । क्षमता भन्दा बढी यात्रु बोकेको सवारी दुर्घटना हुँदा यो साता मात्रै १७ जनाको मृत्यु भएको छ ।

१७ मंसीरमा बाग्लुङको बडिगाडमा भएको जिप दुर्घटनाको कारण क्षमता भन्दा बढी यात्रु रहेको खुलेको छ । कुलपुजाका लागि निसिखोला जाँदै गरेको जिपमा २४ जना यात्रु थिए ।

त्यसमध्ये बडिगाड प्रहरी चौंकीले आठ जनालाई निकालेर अर्को गाडी चढाए पनि जिप दुर्घटनामा गर्दा १४ जनाको मृत्यु भयो ।

यस्तै प्रकृतिको सवारी दुर्घटना हुँदा हुम्लामा चार जनाको मृत्यु र १३ जना घाइते भए ।

प्रतिकृया दिनुहोस