खेलकुद शुक्रबार, मंसिर २०, २०७६

साग महिला क्रिकेटः श्रीलंकासँग पराजित हुँदै नेपालले स्वर्ण पदककाे संभावना गुमायो

हिमालखबर

साग महिला क्रिकेटः श्रीलंकासँग पराजित हुँदै नेपालले स्वर्ण पदककाे संभावना गुमायो

तेह्रौ दक्षिण एसियाली खेलकुद (साग) मा नेपाल श्रीलंकासँग ४१ रनले पराजित भएको छ ।

श्रीलंकासँग पराजित हुँदै नेपालले स्वर्ण पदकको संभावना समेत गुमाएको छ । श्रीलंकाले दिएको ११८ रनको चुनौती नेपाल निर्धारित २० ओभरमा भेटाउन सकेन ।

९ विकेट गुमाउँदै नेपाल ७७ रनमा सीमित भयो । नेपालका लागि कप्तान रुविना क्षेत्रले २८ बलमा जोडेको १९ रन नै सर्वाधिक स्कोर बन्न पुग्यो । कविता कँुवर १३, करुणा भण्डारी १२ र अप्सरी बेगम ११ रनमा आउट भइन् । अन्यले दोहोरो अंक जोड्न सकेनन् ।

श्रीलंकालार्य ११८ रनमा सीमित गर्न नेपालका सरस्वति कुमारी र सोनु खड्काले समान दुई–दुई र अञ्जली चन्दले एक विकेट लिइन् । 

बांग्लादेश, श्रीलंका, माल्दिभ्स र नेपाल सामेल खेलमा नेपाल दुई अंक सहित तेस्रो स्थानमा छ । अव काँस्य पदकका लागि नेपालले माल्दिभ्ससँग शनिबार बिहान ११ बजे प्रतिश्पर्धा गर्नेछ ।

 

प्रतिकृया दिनुहोस