समाचार शुक्रबार, मंसिर २०, २०७६

निजगढको रुख कटानबारे तत्काल कुनै निर्णय नलिन सर्वोच्चको आदेश

हिमालखबर

निजगढको रुख कटानबारे तत्काल कुनै निर्णय नलिन सर्वोच्चको आदेश

निजगढ अन्तर्राष्ट्रिय विमानस्थल निर्माणका क्रममा रुख कटानबारे कुनै निर्णय नलिन सर्वोच्च अदालतले अन्तरिम आदेश दिएको छ ।

न्यायाधीश टंकबहादुर मोक्तानको एकल इजलासले अर्को निर्णय नआएसम्म रुख कटानबारे कुनै पनि निर्णय नलिन आदेश दिएको हो ।

बन विज्ञहरु द्वारिका ढुंगेल, कृष्णप्रसाद भण्डारी, तारा सापकोटा लगायत ९ जनाले १६ मंसीरमा सर्वोच्चमा रीट दर्ता गरेका थिए ।

उक्त रीटको सुनुवाई गर्दै न्यायाधीश मोक्तानको इजलासले यसबारे दुवै पक्षलाई छलफलका लागि बोलाएको छ ।

२९ मंसीरमा दुवै पक्षलाई छलफलका लागि बोलाइएको छ । निजगढ अन्तर्राष्ट्रिय विमानस्थल निर्माणका क्रममा ठूलो संख्यामा रुख कटान हुन लागेको भन्दै सर्वोच्चमा रीट दायर भएको थियो ।

प्रतिकृया दिनुहोस