खेलकुद सोमबार, मंसिर १६, २०७६

नेपालकी अञ्जली चन्दले क्रिकेटमा विश्व कीर्तिमान बनाइन्

हिमालखबर

नेपालकी अञ्जली चन्दले क्रिकेटमा विश्व कीर्तिमान बनाइन्

दक्षिण एसियाली खेलकुद प्रतियोगिता (साग) मा माल्दिभ्स विरुद्धको खेलमा नेपालकी अञ्जली चन्दले विश्व कीर्तिमान बनाएकी छन् ।

चन्दले एक रन पनि नदिई ६ विकेट लिइन् । सातौं ओभरमा बलिङ गर्न आएकी चन्दले मेडन ओभरमा तीन विकेट लिइन् । यसपछि नवौं ओभरमा दुई विकेट लिइन् । नवौं ओभरमा पनि मेडन नै राखिन् ।

एघारौं ओभरमा आएकी चन्दले थप एक विकेट लिदैं ह्याट्रिक पूरा गर्दै विश्व कीर्तिमान बनाएकी हुन् । अहिलेसम्म कुनै पनि क्रिकेटरले कुनै रन नदिई ६ विकेट लिएका छैनन् ।

१०.१ ओभरमा १६ रन जोडेको माल्दिभ्सलाई नेपालले बिना विकेटको क्षतिमा ०.५ ओभरमै हराउँदै विजयी शुरुवात गरेको छ । नेपालका लागि करुण श्रेष्ठले १३ रन जोडिन् भने चार रन एक्स्ट्रा मिलेको थियो ।

प्रतिकृया दिनुहोस