खेलकुद शनिबार, मंसिर १४, २०७६

सागमा नेपालको झण्डा कमल अधिकारीले बोक्ने

हिमालखबर

सागमा नेपालको झण्डा कमल अधिकारीले बोक्ने

दक्षिण एसियाली खेलकुद (साग) को उद्घाटनमा नेपालको राष्ट्रिय झण्डा भारोत्तोलन खेलाडी कमल अधिकारीले बोक्ने भएका छन् ।

नेपाल ओलम्पिक कमिटीले प्रेस बक्तव्य जारी गर्दै अधिकारीले राष्ट्रिय झण्डा बोक्ने जानकारी दिएको छ ।

आइतबार उद्घाटन हुने सागमा नेपाली क्रिकेटका पूर्व कप्तान पारस खड्काले राष्ट्रिय झण्डा बोक्ने चर्चा चलेको थियो । तर, उनको नाम सिफारिस भए पनि अनुभव, अन्तर्राष्ट्रिय पदक र ओलम्पिक खेलमा समेत सहभागिता जनाएकाले अधिकारीलाई झण्डा बोक्न दिने नेपाल ओलम्पिकले निर्णय गरेको छ ।

राष्ट्रिय खेलकुद परिषदले सागको उद्घाटनमा १५ हजार बढीलाई प्रत्यक्ष सहभागी गराउने तयारी गरेको छ । सागको उद्घाटन राष्ट्रपति विद्यादेवी भण्डारीले गर्नेछन् ।

 

प्रतिकृया दिनुहोस