ब्यूटी पेजेन्टमा सहभागी युवतीमाथि भएको बलात्कार घटनाको छानबिन गर्न समिति गठन

ब्यूटी पेजेन्टमा सहभागी युवतीमाथि बलात्कार र यौनशोषण भएको घटनाबारे छानबिन गर्न नेपाल प्रहरीले छानबिन समिति गठन गरेको छ।

प्रहरी वरिष्ठ उपरीक्षक वसन्तबहादुर कुँवरको नेतृत्वमा समिति गठन भएको हो। समितिले पीडित महिला र घटनाका सम्बन्धबारे अनुसन्धान थालिसकेको प्रहरी प्रधान कार्यालयका प्रवक्ता प्रहरी वरिष्ठ उपरीक्षक विष्णुकुमार केसीले जानकारी दिए। यस्तै‚ केही दिनदेखि सामाजिक सञ्जाल लगायत विभिन्न पत्रपत्रिका तथा अनलाइनहरूमा पीडित महिलाको भिडिओ सार्वजनिक भएकोमा ध्यानाकर्षण भएको प्रहरीले जनाएको छ।

आठ वर्षअघि ‘मिस ग्लोबल इन्टरन्याशनल’ मा सहभागी एक युवतीले आयोजकले नै बलात्कार र यौन दुर्व्यवहार गरेको सामाजिक सञ्जाल टिकटक मार्फत बताएकी छन्।