समाचार बुधबार, जेठ २१, २०७७

भारतबाट आएकालाई दैलेख छाडेर फर्केको बस गुराँसमा दुर्घटना

हिमालखबर

भारतबाट आएकालाई दैलेख छाडेर फर्केको बस गुराँसमा दुर्घटना

दैलेखको गुराँस गाउँपालिका–४ घोडावासमा बस दुर्घटना हुँदा चालकको मृत्यु भएको छ । दैलेखबाट सुर्खेत फर्कदै गरेको ना ५ ख १६८५ नम्बरको बस दुर्घटना हुँदा चालक कल्याणसिंह बोहोराको मृत्यु भएको प्रहरीले जनाएको छ ।

बुधबार भारतबाट फर्केका नागरिकहरूलाई दैलेख छोडेर फर्कने क्रममा उक्त बस सडकदेखि करीब १ सय मिटर तल खसेको स्थानीयले जानकारी दिएका छन् ।

उकालो सडकमा अगाडि बढ्न नसकेर पछाडि जाँदा सडकबाट तल खस्न पुगेको ट्राफिक प्रहरी चन्द्र कार्कीले जानकारी दिए । उनका अनुसार सहचालक गम्भीर घाइते भएको र उनलाई उपचारका लागि सुर्खेत पठाइएको छ ।

यज्ञराज थापा, दैलेख

प्रतिकृया दिनुहोस