समाचार विहीबार, चैत २७, २०७६

आर्थिक संकटबाट जोगिन कृषि क्षेत्रलाई प्राथमिकतामा राख्न विज्ञहरुको सुझाव

हिमालखबर

आर्थिक संकटबाट जोगिन कृषि क्षेत्रलाई प्राथमिकतामा राख्न विज्ञहरुको सुझाव
भिडियो कन्फ्रेन्समा नेता पौडेल। तस्वीरः खिला कार्की

कोरोना संक्रमणका कारण पर्ने आर्थिक संकट सुधार्न कृषि क्षेत्रलाई प्राथमिकतामा राख्नुपर्ने विज्ञहरुले सुझाव दिएका छन् । नेपाली कांग्रेसका बरिष्ठ नेता रामचन्द्र पौडेलले गरेको भिडियो कन्फ्रेन्समा विज्ञहरुले कृषि क्षेत्रलाई प्राथमिकतामा राख्न सुझाव दिएका हुन् ।

बरिष्ठ नेता पौडेलले योजना आयोगका पूर्व उपाध्यक्षहरु सहित विज्ञहरुसँग छलफल गरेका थिए । छलफलमा डा. गोविन्द पोखरेल, डा. स्वर्णिम वाग्ले, प्रा.डा. इन्जिनियर कमल रिजाल, डा.सुरज पोखरेल, डा. सिद्धिगणेश श्रेष्ठ, डा.माधवप्रसाद पौडेल, डा.प्रधुम्नराज पाण्डे, सहदेवप्रसाद हुमागाँई सहभागी थिए ।

छलफलमा विज्ञहरुले अर्थतन्त्र उकास्न कृषि उत्पादन, कृषि मजदुर, कृषि उपज र त्यसको ढुवानी लगायत विषयमा केन्द्रीत हुनुपर्ने सुझाव दिएका छन् । विज्ञहरुले कृषि क्षेत्रबाट अर्थतन्त्र सुधार गर्न भूमि ब्यांकको व्यवस्था, सहकारीको सक्रियतामा बृद्धि गर्नुपर्ने सुझाव दिएका छन् ।

योजना आयोगका पूर्व उपाध्यक्ष डा. स्वर्णिम वाग्लेले कृषि क्षेत्रलाई राहत दिन माग गरे । उनले कृषि क्षेत्रले दिनसक्ने उत्पादनका आधारमा विषेश प्याकेजको घोषणा गर्नुपर्ने बताए ।

प्रतिकृया दिनुहोस