सेनाले घेरेर मोटरतर्फ लग्दै गरेका बीपीलाई पत्रकार दीर्घामा रहेका सिंहले सोधे “कहाँ लगेको हो तपाईंलाई ?” बीपीले थाहा नभएको बताए । यही प्रश्न सोध्दा सूर्यप्रसाद उपाध्याय भने फुस्फुसाए मात्र । हक्की स्वभावका गणेशमान सिंहले ‘जहाँसुकै लैजाओस्’ भनेर जवाफ दिए।

भोटसँग युद्धको तयारीका क्रममा हुम्ला सिमाना नजिकै सैन्य शिविर राख्ने उपयुक्त ठाउँ हेरिंदै थियो। रसुवामा भने तराईबाट ल्याएका अन्न धोक्रामा भरेर राख्ने चटारोले छोपेको थियो।

भोटसँग नेपालले युद्धको तयारी गरिरहँदा जर्नेल बद्रीनरसिंह राणाले प्रधानमन्त्री दाजु जङ्गबहादुर राणालाई चिठी लेखेर चीन र अंग्रेजको वस्तुस्थिति देखाउँदै युद्धका लागि हौस्याएका थिए।