मनोज पाण्डेको लिभिङ बाई द रिभर को एक दृश्य।

राजधानीमा शुरु भएको तेस्रो अन्तराष्ट्रिय आदिवासी चलचित्र महोत्सव―०९ मा आदिवासी चलचित्रको 'इरो लागेको छ। १४-१७ जेठमा सम्पन्न हुने महोत्सवमा नेपालका विभिन्न आदिवासी समुदायका १८ वटा चलचित्र, वृत्तचित्र एवं म्यूजिक भिडियो प्रदर्शन भइरहेका छन्। नेपाल बाहिरका १३ देशका २२ वटा चलचित्र एवं वृत्तचित्रहरू समेत हेर्न पाइनेछ। इण्डिजिनस फिल्म अर्काइभ (आइफा)को आयोजनामा भइरहेको यो महोत्सवमा नेपालका नौ वटा आदिवासी चलचित्रहरूको प्रिमियर गरिँदैछ। ती चलचित्रहरूमा गुरुङ समुदायको रोधी घर, नेवार समुदायको ग्वे मरु र नेवाः म्यूजिक भिडियो, थारू समुदायको भुँयार, तामाङ समुदायको घेवा, लाप्चा समुदायको लाप्चा, मगर समुदायको एजु―२, बोटे माझ्ी समुदायको लिभिङ बाई द रिभर र सुनुवार समुदायको ष्याँदर रहेका छन्। महोत्सव निर्देशक सृजना सुब्बाका अनुसार यस वर्षको महोत्सवले संविधानमा आदिवासी जनजातिको अधिकारमा जोड दिएको छ।