सधैँ गीत गाउँदा हार्मोनियमका साथ देखिने गायक दीप श्रेष्ठ २५ वैशाखको साँझ् पाटन सङ्ग्रहालयमा ड्रम सेट र गिटारले घेरिएर पप शैलीमा गाइरहेका थिए।

हिट्स एफएम र म्युजिकोलोजीले आयोजना गरेको म्युजिक वाइ द म्युजियम कार्यक्रममा आधुनिक गायनका हस्ती दीप र चर्चित रक ब्याण्ड १९७४ एडी लाई एकै मञ्चमा उतार्दाको दृश्य हो यो। रक ब्याण्डका साथ पहिलो पटक मञ्चमा उत्रेका दीप श्रेष्ठले आफ्ना लोकप्रिय गीतहरू प्रस्तुत गर्दा दर्शकको तालीसँगै वान्स मोर पाएका थिए। १९७४ एडीका एड्रिन प्रधान, निराकार याक्थुङ्वा, मनोज केसी र सञ्जय श्रेष्ठको समूहले एक दर्जन भन्दा बढी आफ्ना रक पप गीतहरू प्रस्तुत गरेका थिए। आधुनिक र रक को यो फ्युजनले दुवै सङ्गीतका पारखीहरूलाई एकै थलोमा ल्याएको थियो।