चुनावमा जान प्रमुख दलहरुबीच सैद्धान्तिक सहमति

संविधानमा राख्ने विषयमा विवाद कायम रहेपछि प्रमुख दलहरुबीच नयाँ निर्वाचनमा जाने विषयमा सैद्धान्तिक सहमति भएको छ ।

नयाँबानेश्वरस्थित सेना समायोजन विशेष समिति सचिवालयको कार्यालयमा ३ असोजमा बसेको एनेकपा माओवादी, नेपाली कांग्रेस, नेकपा एमाले र मधेसी मोर्चाको बैठकमा संविधानसभा पुनस्र्थापनामा सहमति नभएपछि निर्वाचनमा जाने निश्चित भएको हो । बैठकपछि कांग्रेस महामन्त्री कृष्णप्रसाद सिटौलाले ताजा जनादेशमा जान राजनीतिक सहमति जुटेको बताए ।

बैठकमा एमाओवादी र मधेसी मोर्चाले १० वा १४ प्रदेशमा सहमति कायम गरी संविधानसभा पुनस्र्थापना गर्नुपर्ने अडान राखेका थिए । त्यसमा सहमति कायम हुन नसके निर्वाचनमा जानुपर्ने उनीहरुको अडान थियो । तर कांग्रेसले एमाओवादी र मोर्चाको प्रस्तावमा असहमति जनाएपछि संविधानसभा पुनस्र्थापना नगर्ने निर्णयमा दलहरु पुगेका हुन् ।

नेकपा एमाले अध्यक्ष झलनाथ खनालले संविधानसभा पुनस्र्थापनाको कुरा सदाका लागि अन्त्य भएको बताए । खनालले अब नयाँ निर्वाचनमा जाने विषयमा दलहरुबीच छलफल हुने जानकारी दिए ।

एमाओवादी प्रवक्ता अग्नी सापकोटाले संविधानसभा पुनस्र्थापना नहुने भएपछि निर्वाचनको प्रकि्रयाका बारेमा दलहरुबीच छलफल हुने बताए ।

नेताहरुले निर्वाचनमा जाने सहमति जुटेको बताए पनि प्रकि्रयाका विषयमा भने दलहरुबीच अझै मतान्तर देखिएको छ । सबै दलले निर्वाचनमा जाने भए आफ्नो दलको नेतृत्वमा सहमतिको सरकार गठन गर्नुपर्ने अडान राखेका छन् । सहमतिको सरकार गठन र चुनावी प्रकि्रयाका विषयमा छलफल गर्न दलहरुले पुनः शुक्रबार बैठक बस्ने भएका छन् ।

  • who cares

    good.

    now with the election, there should be a mandate for referendum otherwise there will be no constitution even after next election.

    and try to address solution to all the possible problems that could arise in future.

    and in referendum, let 10% seats choose one option each that will be included in the referendum.

  • Aslami

    सैद्धान्तिक सहमति कहिले होला व्यवहारिक नेपालमा ?