बजेट स्विकृत नगर्न राष्ट्रपतिलाई प्रतिपक्षीको आग्रह
नेपाली कांग्रेस र नेकपा एमालेलगायतका प्रतिपक्षी दलका नेताहरुले सरकारले ल्याउन लागेको पूर्ण बजेट जारी नगर्न राष्ट्रपतिलाई आग्रह गरेका छन् ।
बुधबार , २० असार २०६९ ४:५४ पम
२० असारमा राष्ट्रपति कार्यालयमा पुगेर उनीहरुले यस्तो आग्रह गरेका हुन । काम चलाऊ सरकारले बजेट ल्याउन नमिल्ने भएकाले त्यसलाई अनुमोदन नगर्न आफूहरुले राष्ट्रपतिलाई आग्रह गरेको नेकपा मालेका महासचिव सिपी मैनालीले हिमालखबरलाई जानकारी दिए ।
राष्ट्रपति डा. रामवरण यादवले आफू संविधानिक व्यवस्था अनुसार चल्ने धारणा राखेको पनि महासचिव मैनालीले बताए । उनका अनुसार, प्रतिपक्षी दलहरुको आग्रहमा आफ्नो ध्यानाकर्षा भएको राष्ट्रपतिको भनाई थियो ।
१९ असारमा एमाले मुख्यालय बल्खुमा बसेको प्रतिपक्षी दलहरुको बैठकले राष्ट्रपतिलाई भेटेर बजेट जारी नगर्न आग्रह गर्ने निर्णय गरेको थियो ।
