नायिका विनितालाई साइवर क्राइमको आरोप, उनका सहयोगी प्रहरी खोरमा

चलचित्र चपली हाइटकी नायिका विनिता बरालले दिक्पाल कार्कीसँग मिलेर इण्टरनेट (फेसबुक)बाट विभिन्न कलाकर्मीलाई अश्लील गाली र धम्की दिएको उजुरी परेको छ । चपली हाइटकै नायक राज घिमिरेले ६ असारमा उजुरी दिएपछि दिक्पाल कार्कीलाई जावलाखेलस्थित महानगरीय प्रहरी परिसरले हिरासतमा लिएको छ भने विनितालाई सोधपुछ गरेको छ ।

जावलाखेलस्थित महानगरीय प्रहरी परिसरमा विनिता बराल

पीडित नायक राज घिमिरे

चलचित्र चपली हाइट

नायिका विनिता बराल र दिक्पाल कार्की

नायक घिमिरेले आफूलाई विनिताले मनपरी गाली गरेको र मार्ने धम्कीदिएको मोवाइल फोन रेकर्ड, म्यासेज र फेसवुकका धम्कीहरु प्रहरीलाई दिएका छन् । प्रमाणसहित उजुरी दिएकाले प्रहरीले कारवाही गर्छ भन्ने कुरामा उनी ढुक्क छन् । विनिता र दिक्पालले निर्देशक आलोक नेम्बाङले फिल्ममा नखेलाएको रिस आफूमाथि पोख्दै धम्की दिएको राजले बताए । उनले भने, “विनिताले म नेपालको राखी सावन्त हुँ, पत्रकार सबै मेरो पकेटमा छन्, म तिमीहरुलाई जे पनि गर्न सक्छु भन्दै प्रहरीकै सामुन्ने समेत धम्क्याइन् ।”

पीडितहरु यसराज, राजेश घतानी, राज घिमीरे र साक्षीहरु उज्वल गिरी र पुष्प खडका प्रहरी कार्यालय अगाडी । तस्बीरहरु: ऋषिराम कटटे्ल ।

जाहेरी फिर्ता लिन विभिन्न व्याक्तिबाट आफूलाई धम्की आइरहेको उनले बताए । विनिता र दिक्पालले निर्देशक ऋषि लामिछाने , आलोक नेङवाङ, नायक यसराज,निर्माता राजेश घतानी, फिल्म लेखक शिवम अधिकारी लगायतकालाई समेत विनय डिसी, मीदिक्पाल कार्की नामका फेसवुक आइडीमार्फत धम्काएको खुलेको छ । विनिताले भाइ भन्ने गरेका दिक्पाललाई ६ असारमा वानेश्वरको जिरोमाइल साइवरमा प्रहरी र पीडितले फेला पारेका थिए । दिक्पाल समातिएपछि विनितालाई बोलाएर सोधपुछ गरेको थियो । दोस्रो पटक ७ असार बिहान १० बजे प्रहरी कार्यालय आएकी विनिताले भने आफूले कुनै गल्ती नगरेको दाबी गरिन् ।
हेर्नुस् हिमालखबर भिडियो: http://youtu.be/kcMG_0gifNY